Muchanan entre 4 y 6 aña
Con mi por anda cu mi yiu cu ta asina inkieto?
Mucha di e edad ey no tin trankilidad!
Nan ta ocupa cu descubrimento di e mundo rond di nan: Tin asina hopi cos atractivo, interesante y emocionante.
Tin biaha e intrankilidad aki ta simplemente pa yama atencion of un forma di impotencia of un señal cu bo yiu no ta sinti su mes bon.
Algun conseho con pa trata bo yiu inkieto:
- Ofrece structura. Percura pa bo yiu sa kico bo ta bay haci y kico ta spera di dje. Claridad ta duna trankilidad.
- Duna atencion positivo. No duna atencion solamente na e cosnan menos bon, sino particularmente tambe na e cosnan bon, p.e.: “Mi dushi baby, bo a traha algo bunita cu bo blokinan!”
- Siñ’e pa tin pasenshi. No rabia hopi lihe cu ne; yud’e busca un solucion. Haci un wega di dje, p.e.: “Nos ta bay wak ken por warda mas largo.”
- Percura pa recreacion. Lesa buki hunto, haci obra di man of traha un puzzel.
- Duna bo yiu un chens pa haci loke e “kier”. Lag’e core duro pafo, percura e tin suficiente movimento.
- No lubida di gosa di bo yiu. Y expresa esaki tambe na bo yiu: de bes en cuando pasa bo man riba su cabes y ora bo dun’e un compliment of un caricia esakinan por haci milager.
Si bo ta desea di ricibi mas informacion tocante e topico aki, bo por tuma contacto cu nos trahadornan via telefon of mail
